ახალქალაქის, კუმურდოსა და კარის მიტროპოლიტმა ნიკოლოზმა, მიხეილ სააკაშვილის შეწყალებაზე ისაუბრა და თქვა, რომ "თუ რიგითი მოქალაქეები მიიღებენ შეწყალების გადაწყვეტილებას, მმართველ გუნდს ამოცანას გაუადვილებენ".
მეუფე ნიკოლოზი ნიკოლოზი ამბობს, რომ მნიშვნელოვანია მიხეილ სააკაშვილმა შესაბამისი მკურნალობა მიიღოს და თუ ეს საქართველოში ვერ ხერხდება, მაშინ ის საზღვარგარეთ სამკურნალოდ უნდა გადაიყვანონ.

"ის არ არის სიკვდილმისჯილი და მას აქვს უფლება იმკურნალოს და თუ ეს აქ ამ ქვეყანაში არ ხერხდება, ეს მოხდეს უცხოეთში. ერთია ციხეში ჯდომა და მეორეა, რომ არ უნდა მოკვდეს ეს ადამიანი ციხეში, ამიტომ მე ყველა ადამიანს, აბსოლუტურად ყველას მოვუწოდებ მოწყალებისკენ. თუ ჩვენი მოსახლეობა, რიგითი ადამიანები სათითაოდ მიიღებს ამ გადაწყვეტილებას, რომ შეიწყალონ ადამიანი, რაც დღეს აბსოლუტურად რეალურია, სჭირდება მას ჩვენი მხრიდან შეწყალება, მაშინ მმართველ გუნდს გავუადვილებთ ამოცანას", - თქვა მეუფე ნიკოლოზმა.

ცნობისთვის, მეუფე ნიკოლოზმა მიხეილ სააკაშვილი კლინიკა ვივამედში 20 დეკემბერს მოინახულა. შეხვედრის შემდეგ, მან თქვა, რომ მიხეილ სააკაშვილმა წონაში მნიშვნელოვნად დაიკლო.