რუსმა ოკუპანტებმა ხერსონი დაბომბეს. ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს და დაბომბილი ქალაქის ფოტოებს აქვეყნებს.

"სოციალური ქსელები, სავარაუდოდ, ამ ფოტოებს "სენსიტიურ შინაარსად" მონიშნავენ. მაგრამ ეს არ არის სენსიტიური შინაარსი - ეს არის უკრაინისა და უკრაინელების რეალური ცხოვრება.
ტერორისტული ქვეყანა აგრძელებს რუსული სამყაროს შემოტანას მშვიდობიანი მოსახლეობის დაბომბვის სახით. ხერსონი დილით, შაბათს, შობის წინა დღეს, ქალაქის ცენტრალურ ნაწილში. ეს არ არის სამხედრო ობიექტები, ეს არ არის ომი დადგენილი წესებით, ეს არის ტერორი, ეს არის მკვლელობა დაშინების და სიამოვნებისთვის.
მსოფლიომ უნდა დაინახოს და გაიგოს, თუ რა აბსოლუტურ ბოროტებას ვებრძვით", - წერს ზელენსკი.

პრეზიდენტის აპარატის უფროსის მოადგილემ კირილო ტიმოშენკო Telegram-ზე წერს, რომ ხერსონის დაბომბვას მსხვერპლი მოჰყვა, ასევე განადგურებულია შენობები. მსხვერპლის ზუსტი რაოდენობა ჯერჯერობით უცნობია.