რუსებს რაკეტების დიდი რაოდენობა არ აქვთ, მაგრამ არის პრობლემა, ისინი მოლაპარაკებებს აწარმოებენ ირანთან მიწოდების შესახებ - აცხადებს უკრაინის ეროვნული უსაფრთხოებისა და თავდაცვის საბჭოს მდივანი ოლექსი დანილოვი უკრაინულ მედიასთან ინტერვიუში.
მისი თქმით, უკრაინისთვის ეს დიდი გამოწვევაა და პრეზიდენტიდან დაწყებული, საგარეო საქმეთა მინისტრით გაგრძელებული, საერთაშორისო კონტაქტების გამოყენებით, ყველაფერს აკეთებენ, რომ ასე არ მოხდეს. 
ჟურნალისტის კითხვაზე, რამდენი თავდასხმისთვის ეყოფა რუსეთს რაკეტების მარაგი, დანილოვი ამბობს, რომ მასშტაბური თავდასხმების გათვალისწინებით, "მათ მაქსიმუმ ორი-სამი, შესაძლოა ოთხი, შეტევის მარაგი ჰქონდეთ"
მათ ჯერ კიდევ აქვთ S-300 რაკეტები, რომლებსაც ახლა, სამწუხაროდ, ჩვენს ქალაქებში იყენებენ. მათ აქვთ მეტ-ნაკლებად საკმარისი ეს რაკეტები - ამბობს დანილოვი.