იპოვეთ შესაძლებლობა, რომ უკრაინას ცის საიმედო თავდაცვის ფარი მისცეთ - ზელენსკი პარტნიორებს
უკრაინის პრეზიდენტმა ვოლოდიმირ ზელენსკიმ დასავლეთს უკრაინის საჰაერო თავდაცვის მხარდაჭერის გაძლიერებისკენ მოუწოდა.
ყოველდღიურ მიმართვაში, ზელენსკიმ საჰაერო თავდაცვითი სისტემების მიწოდების მნიშვნელობაზე ისაუბრა და თქვა, რომ ოკუპანტების მთავარი ტერორის ფორმა ახლა სარაკეტო ტერორია.
ყოველდღიურ მიმართვაში, ზელენსკიმ საჰაერო თავდაცვითი სისტემების მიწოდების მნიშვნელობაზე ისაუბრა და თქვა, რომ ოკუპანტების მთავარი ტერორის ფორმა ახლა სარაკეტო ტერორია.
"მადლობა ჩვენი საჰაერო ძალების მებრძოლებს, ჩვენს საზენიტო მსროლელებს და ყველას, ვინც იცავს უკრაინის ცას. დღევანდელი შედეგია 60 ჩამოგდებული რაკეტა, სამწუხაროდ, არის ზიანიც. ტერორისტებს თავდასხმების სწორედ ასეთი მასშტაბი ესაჭიროებათ, რათა რაკეტების ნაწილმა მაინც მიაღწიოს მიზანს. მათი ყველა სამიზნე არის სამოქალაქო, ძირითადად, ელექტროენერგიისა და სითბოს მიწოდების ობიექტები. პატივცემულო პარტნიორებო იპოვეთ შესაძლებლობა, რომ უკრაინას ცის საიმედო დაცვა, საიმედო თავდაცვის ფარი მისცეთ, თქვენ ეს შეგიძლიათ, თქვენ შეგიძლიათ მფარველობა მისცეთ ჩვენს ხალხს 100%-ით დაცვა რუსული რაკეტებისგან. როცა ამას მივიღებთ, მაშინ რუსული ტერორის მთავარი ფორმა, კერძოდ, სარაკეტო ტერორი უბრალოდ შეუძლებელი გახდება, ეს ნიშნავს მილიონობით ადამიანის უსაფრთხოებას და მთელი სამხედრო უსაფრთხოების სტრატეგიულ გარდაქმნას", - თქვა ვოლოდიმირ ზელენსკიმ.ცნობისთვის, ოკუპანტები უკრაინის ოლქებზე მასშტაბურ სარაკეტო იერიშებს ახორციელებენ. ქვეყნის სხვადასხვა რეგიონებისკენ რუსებმა 70 ფრთოსანი რაკეტა გაუშვეს - მათი ნაწილი უკრაინის საჰაერო თავდაცვამ გაანადგურა, ნაწილმა კი სამიზნეს მიაღწია. დაიბობმა სამოქალაქო ინფრასტრუქტურა ჟიტომირის, კიევის, ხარკოვის, დნეტროპეტროვსკისა და ზაპოროჟიეს ოლქებში.