რუსეთის თავდაცვის მინისტრმა სერგეი შოიგუმ დაათვალიერა რუსული ჯარების დისლოკაციის ადგილი "სპეციალური ოპერაციის ზონაში" - ამის შესახებ BBC რუსულ სახელმწიფო საინფორმაციო სააგენტოებზე დაყრდნობით წერს. 
თავდაცვის სამინისტროს პრესრელიზის თანახმად, შოიგუ „ჩავიდა იმ რაიონებში, სადაც ჯარები არიან განლაგებული და შეამოწმა რუსული ქვედანაყოფების წინსვლის პოზიციები“, ისაუბრა რუს სამხედრო მოსამსახურეებთან და მოისმინა მეთაურების ანგარიშები არსებული მდგომარეობისა და ქმედებების შესახებ. 
ნიშანდობლივია, რომ ინფორმაცია რუსი მინისტრის ფრონტის ხაზზე მოგზაურობის შესახებ გაჩნდა ზუსტად ერთი დღის შემდეგ, რაც კრემლმა გამოაცხადა რუსეთის პრეზიდენტის ვიზიტზე რუსი სამხედროების მოქმედებების კოორდინაციის შტაბში. კრემლმა განაცხადა, რომ პუტინმა მთელი დღე პარასკევს შტაბ-ბინაში გაატარა. კრემლის მიერ გავრცელებულ კადრებში სერგეი შოიგუ ასევე თან ახლდა პუტინს.
ამასთან, უკრაინელი სამხედროების ვერსიით, რომელიც ემთხვევა ამერიკელი ექსპერტების აზრს, რუსეთმა შესაძლოა ზამთარში უკრაინაში ახალი შეტევა დაიწყოს.
ISW-ის ექსპერტები კი ამ ვიზიტებს აფასებენ, როგორც პუტინისთვის ახალი იმიჯის შექმნის, ხოლო და შოიგუსთვის იმიჯის აღდგენის მცდელობას.