"მიხეილ სააკაშვილს აძლევენ წამლებს, რომლებიც არ არის რეგისტრირებული საერთაშორისო სააგენტოების მიერ" | ადვოკატის მიმართვა ევროპარლამენტარებს
"მიხეილ სააკაშვილი არამხოლოდ ნაწამები, არამედ მოწამლულიც იყო, მას აძლევენ წამლებს, რომლებიც არ არის რეგისტრირებული საერთაშორისო სააგენტოების მიერ. მას სჭირდება სასწრაფო დახმარება იმისთვის, რომ მისი სიცოცხლე გადარჩეს" - ამის შესახებ საქართველოს მესამე პრეზიდენტის, მიხეილ სააკაშვილის ამერიკელმა ადვოკატმა, მასიმო დი ანჯელომ სტრასბურგში, ევროპარლამენტის შენობაში, მიხეილ სააკაშვილის ოჯახის წევრებთან ერთად გამართულ პრესკონფერენციაზე განაცხადა. უფლებადამცველის თქმით, ოლიგარქმა ბიძინა ივანიშვილმა უნდა გადადგას ნაბიჯები და შეაჩეროს ის პოლარიზაცია, რომელიც დღეს საქართველოში არსებობს და ხელი შეუწყოს საქართველოს მესამე პრეზიდენტის სამკურნალოდ გადაყვანას.
"სიტუაცია ძალიან მძიმეა, თქვენ უნდა იცოდეთ, რომ საქართველოს მოსახლეობის უმეტესი ნაწილი არის პროევროპული და მათ უნდა რომ, საქართველო გახდეს ევროპის ნიწილი. ამიტომ პრეზიდენტ სააკაშვილის ჯანმრთელობა ძალიან მნიშვნელოვანია. ეს არის კაცი, რომელმაც დააყენა საქართველო გზაზე ევროინტეგრაციისკენ, ის არის პოლიტიკური პატიმარი და დღეს მას სჭირდება გადაუდებელი დახმარება სიცოცხლის გადასარჩენად.
მე მაქვს, მასთან ურთიერთობა და მაქვს ურთიერთობა ექსპერტებთან, კობისთან და დოქტორ სმიტთან. ისინი წერენ ანგარიშებს და შეადგინეს ანგარიში, სადაც აღნიშნულია, რომ მიხეილ სააკაშვილი არამხოლოდ ნაწამები იყო და მოწამლული, მას აძლევენ წამლებს, რომლებიც არ არის რეგისტრირებული საერთაშორისო სააგენტოების მიერ და მას სჭირდება სასწრაფო დახმარება იმისისთვის, რომ მისი სიცოცხლე გადარჩეს და ბიძინა ივანიშვილმა უნდა გადადგას ნაბიჯი, რომ შეარბილოს ის პოლარიზაცია, რომელიც არსებობს დღეს საქართველოში და ხელი შეუწყოს იმას, რომ მიხეილ სააკაშვილი გადაიყვანონ სამკურნალოდ" - ამბობს მასიმო დი ანჯელო.