ეს არის ანტიამერიკალიზმი - რასაც იანუკოვიჩი უკრაინაში აკეთებდა, ამას უფრო ნელი ტემპით აკეთებდა ივანიშვილი საქართველოში, გავეშებულ შეტევას ვხედავთ კელი დეგნანთან ,- ამის შესახებ პარტია "დროას" პოლიტიკური საბჭოს წევრმა ბათუ ქუთელიამ „პალიტრანიუსის“ გადაცემა „დღის ნიუსრუმში“ განაცხადა.
მან საქართველოში ამერიკის ელჩის, კელი დეგნანის მიმართ გაკეთებული განცხადებები შეაფასა და აღნიშნა, რომ ხელისუფლების ტერმინოლოგია და მეთოდოლოგია, თუ როგორ ახორციელებენ შეტევას ამერიკელი სტრატეგიული პარტნიორების მიმართ, ძალიან ჰგავს იმ მეთოდოლოგიას, რასაც პუტინი აკეთებდა დასავლელი დიპლომატების მიმართ.
„ ეს არის ანტიამერიკალიზმი. ის ტერმინოლოგია და მეთოდოლოგია, თუ როგორ ახორციელებენ შეტევას ჩვენი ამერიკელი სტრატეგიული პარტნიორების და ევროპელების მიმართ, ძალიან ჰგავს მეთოდოლოგიას და შინაარსს იმისა, თუ როგორ აკეთებდა ამას პუტინი და აკეთებს დასავლელი დიპლომატების მიმართ. განსაკუთრებით, სანამ სამხედრო ძალით დაიწყებდა საკუთარი ამბიციების დაკმაყოფილებას. რასაც იანუკოვიჩი უკრაინაში აკეთებდა, ამას უფრო ნელი ტემპით აკეთებდა ივანიშვილი საქართველოში რუსების ხელით. ბოლოს, იმ მომენტამდე მივედით, განსაკუთრებით უკრაინაში დაწყებული ომის ფონზე, რომ ივანიშვილს და რუსებს მანევრირების ნაცრისფერი სივრცე მოესპოთ, ღიად მოუწიათ პოზიციის დაკავება - ან ხარ დასავლეთთან, თავისუფალ სამყაროსთან, ან რუსეთთან. ამიტომ გავეშებულ შეტევას ვხედავთ კელი დეგნანთან“,- აღნიშნავს ქუთელია.
როგორც ბათუ ქუთელია განმარტავს, „მაფიოზური ლექსიკონია“, როდესაც ერთს ამბობ, მეორეს გულისხმობ და მესამეს აკეთებ. მისივე თქმით, „მაფიოზური ლექსიკონია“, როდესაც შენს სიტყვას ფასი არ აქვს და მთავარი ძალაუფლების შენარჩუნებაა. როგორც ქუთელია განმარტავს, ბიძინა ივანიშვილი არის საქმის კურსში, ყველა იმ ნაბიჯზე, რომელმაც გააუარესა ჩვენი ურთიერთობა პარტნიორებთან.
„„ომი მშვიდობაა“, „შავი თეთრია“, „ომი აცილებულია“, ანუ, რას ნიშნავს, ომს გვაძალებდნენ და ივანიშვილმა აიცილა?! ყველა ის გზავნილი, რასაც „ქართული ოცნების“ მოლაპარაკე თავები ავრცელებდნენ რეალურად ბიძინა ივანიშვილის გზავნილია. ბიძინა ივანიშვილის წერილმა კიდევ ერთხელ დაადასტურა, რომ ყველა გადაწვეტილებას, განსაკუთრებით მნიშვნელოვან თემებზე ბიძინა ივანიშვილი იღებს, ის არის საქმის კურსში, ყველა იმ ნაბიჯზე, რომელმაც გააუარესა ჩვენი ურთიერთბა პარტნიორებთან, რაც შეიძლება მძიმედ დაგვიჯდეს უსაფრთხოების, ეკონომიკური და სახელმწიფოს მშენებლობის კუთხით. როდესაც პირველი ნაწილი აფუჭებს პარტნიორებთან ურთიერთობას და შემდეგ იძახის გავაუმჯობესოთო -„მაფიოზური ლექსიკონია“. „მაფიოზური ლექსიკონია“, როდესაც ერთს ამბობ, მეორეს გულისხმობ და მესამეს აკეთებ. სიტყვას ფასი არ აქვს, მთავარია ძალაუფლება შეინარჩუნო ასე ავტორიტარული მმართველები იქცევიან“,- აღნიშნავს ქუთელია.
ბათუ ქუთელიამ „ქართული ოცნებიდან“ გასულ დეპუტატებზეც ისაუბრა და აღნიშნა, რომ მათ უფლება არ აქვთ ჩვენს სტრატეგიულ პარტნიორს, ამერიკის შეერთებულ შტატებს აგინონ. „ ვინ არიან ეგენი? არც მე ვიცი. რა უფლება აქვთ აგინონ ჩვენს სტრატეგიულ პარტნიორს, ამერიკის შეერთებულ შტატებს. ეს სახელი და გვარები ბიძინა ივანიშვილის მოლაპარაკე თავები არიან. რასაც ისინი აკეთებენ ბიძინა ივანიშვილის ტაქტიკური სვლაა, რომ რეგიონში რუსული ინტერესები გაძლიერდეს“,- აღნიშნავს ქუთელია.
გარდა ამისა მან კელი დეგნანის განცხადებასთან დაკავშირებულ კრიტიკაზეც ისაუბრა, სადაც მან აღნიშნა, რომ ამერიკის შეერთებულმა შტატებმა საქართველოს 6 მილიარდ დოლარზე მეტი დახმარება გაუწია. როგორც ქუთელია განმარტავს, „სამარცხვინოა, ვინც ცდილობს რომ თანხაზე დაუწყოს კრიტიკა სტრატეგიულ პარტნიორს. თანხაზე უფრო მეტად მნიშვნელოვანია ის სისტემური და სტრქტურული დახმარება, რის გამოც როგორც სახელმწიფო შევდექით დამოუკიდებლობის აღდგენის დღიდან“.
„მაფიოზური ლექსიკონია“, როდესაც ერთს ამბობ, მეორეს გულისხმობ და მესამეს აკეთებ. სიტყვას ფასი არ აქვს, მთავარია ძალაუფლება შეინარჩუნო ასე ავტორიტარული მმართველები იქცევიან“.