პრეზიდენტმა ვოლოდიმირ ზელენსკიმ უკრაინელებს უკრაინის სახელმწიფოებრიობის დღე მიულოცა.
" დღეს უკრაინა იარაღით ხელში იცავს საკუთარ სახელმწიფორიობას, რათა მსოფლიოში ყველამ გაიგოს, რომ უკრაინა არის არა კოლონია, ანკლავი, პროტექტორატი, ან გუბერნია, არც უცხო იმპერიის ნაწილი, სამოკავშირეო რესპუბლიკა, ავტონომია, ან პროვინცია, არამედ თავისუფალი, განუყოფელი და დამოუკიდებელი სახელმწიფო", – განაცხადა ზელენსკიმ.
მისი თქმით, უკრაინელები სახელმწიფოებრიობისთვის ბოლომდე იბრძოლებენ და არ დანებდებიან, ვიდრე საკუთარი სახლიდან ბოლო ოკუპანტს არ განდევნიან და უკრაინული მიწის ბოლო მეტრსაც არ გაათავისუფლებენ.