რაც პრაისმა თქვა, სიმართლეა, ერთმანეთს პატივი უნდა ვცეთ და მოვეპყროთ ისე, როგორც პარტნიორები - დეგნანი
საქართველოში შეერთებული შტატების ელჩი, კელი დეგნანი "ქართული ოცნების" მხრიდან მის მიმართ წარმოებულ რიტორიკაზე სახელმწიფო დეპარტამენტის პრესსპიკერის განცხადებას გამოეხმაურა. კელი დეგნანის თქმით, დიპლომატები აშშ-სა და საქართველოში ერთმანეთს პატივისცემით უნდა ეპყრობოდნენ.
სახ. დეპის პრესსპიკერმა ასევე აღნიშნა, რომ "საქართველოს ხელისუფლების ზოგიერთი წარმომადგენელი ცდილობს, ხელი შეუშალოს მოსახლეობას ევროინტეგრაციისკენ სწრაფვაში".
"რაც მან თქვა, პარტნიორები ერთმანეთს ასე არ ეკონტაქტებიან. მე ვარ დიპლომატი, წარმოვადგენ შეერთებულ შტატებს. რაც ნედ პრაისმა თქვა, ეს სიმართლეა, უნდა ვცეთ ერთმანეთს პატივი და ერთმანეთს უნდა მოვეპყროთ, ისე როგორც პარტნიორები, პრიორიტეტი ეს უნდა იყოს", - თქვა კელი დეგნანმა.ცნობისთვის, სახელმწიფო დეპარტამენტში გამართულ ბრიფინგზე, ნედ პრაისი საქართველოში აშშ-ის ელჩის, კელი დეგნანის მიმართ "ქართული ოცნების" ბოლოდროინდელ რიტორიკას გამოეხმაურა და თქვა, რომ "დეზინფორმაცია და ელჩ დეგნანზე პერსონალური თავდასხმები არ შეესაბამება პარტნიორების მუშაობას".
სახ. დეპის პრესსპიკერმა ასევე აღნიშნა, რომ "საქართველოს ხელისუფლების ზოგიერთი წარმომადგენელი ცდილობს, ხელი შეუშალოს მოსახლეობას ევროინტეგრაციისკენ სწრაფვაში".