პოლონეთმა უკრაინას 1.6 მილიარდი დოლარის იარაღი მიაწოდა
პოლონეთმა უკრაინას თავდაცვის გასაუმჯობესებლად 7 მილიარდი პოლონური ზლოტის ღირებულების სამხედრო აღჭურვილობა და იარაღი მიაწოდა, რაც დაახლოებით, 1.6 მილიარდი აშშ დოლარის ექვივალენტია.
"პოლონეთმა უკრაინას 7 მილიარდი PLN-ის ღირებულების იარაღი მიაწოდა - განაცხადა პრემიერ-მინისტრმა #StopRussiaNOW ინიციატივის კონფერენციაზე. ეს არის 1,6 მილიარდ დოლარზე მეტი უკრაინის, პოლონეთის და ევროპის სუვერენიტეტის დასაცავად!"- წერს ტვიტერზე პოლონეთის მთავრობის პრესსპიკერი, პიოტრ მიულერი.პოლონეთის პრემიერმინისტრის, მატეუშ მორავეცკის განცხადებით, იარაღი უკრაინის, პოლონეთისა და ევროპის სუვერენიტეტის დასაცავად გამოიყო.
"საკმარისია მანევრირება უკრაინის დახმარების საკითხში. საკმარისია რეალური დახმარების თავიდან აცილება და დაბლოკვა. საკმარისია ტირანისა და მკვლელისთვის დათმობა. რუსეთი ახლა უნდა გაჩერდეს და გაარღვიოს ევროპული გულგრილობის კედელი" - წერს მორავეცკი.