ლუგანსკის ოლქში, ქალაქ კრემინას ათასობით მცხოვრები ახლა ოკუპანტების ტყვეობაშია. მათ ქალაქის დატოვება ვერ მოასწრეს. ლუგანსკის რეგიონალური სამხედრო ადმინისტრაციის ხელმძღვანელის, სერგეი გაიდაის ინფორმაციით, ევაკუაცია დღეს იგეგმება, თუმცა რუსები ე.წ. სიჩუმის რეჟიმზე უარს ამბობენ.  
გაიდაის განცხადებით, შეეცდებიან რუბიჟნოეს, სევეროდონეცკის, ლისიჩანსკის, პოპასნასა და ჰორის თემებიდან ხალხის გაყვანას. ის მოსახლეობას მოუწოდებს დაუყოვნებლივ დატოვონ აღნიშნული ადგილები და ამაში მათ პოლიცია დაეხმარებათ:

„დღეს ევაკუაციაში მოხალისეები დაგვეხმარებიან, პოლიცია მოხუცებს თავშესაფრებიდანაც წაიყვანს. ამიტომ, როცა პატრულს ხედავთ, არ დააყოვნოთ - ეს არის გაქცევის შანსი. ყოველდღე მცირდება ასეთი შესაძლებლობები... დაგეხმარებიან საცხოვრებლის მოძიებაში, სახელმწიფოსგან და საერთაშორისო პარტნიორებისგან ფინანსური დახმარების მიღებაში, სხვა საშინაო პრობლემების მოგვარებაში. ავტობუსები გელოდებათ“- თქვა გაიდაიმ.

მან დასძინა, რომ ვინც არ არის თანახმა "თანამშრომლობაზე", რუსები ადგილზე კლავენ.