რუსეთი ამ ომისთვის 10 წელი ემზადებოდა, ახლა კი არ იციან, სად ეძიონ დახმარება - ზელენსკი
რუსეთს აქვს ისეთი დანაკარგი ბრძოლის ველზე, რომ არ იციან, სად ეძიონ რეზერვი და დახმარება, აცხადებს უკრაინის პრეზიდენტი. ზელენსკის ინფორმაციით, ამ ომისთვის რუსეთი ათეულობით წლებია, ემზადებოდა, თუმცა, მნიშვნელოვან დანაკარგებს განიცდის.
პრეზიდენტი აცხადებს, რომ ამჟამად მთავარია, მოლაპარაკებებზე ყველა უკრაინელისთვის სანუკვარ მშვიდობას მიაღწიონ.
პრეზიდენტი აცხადებს, რომ ამჟამად მთავარია, მოლაპარაკებებზე ყველა უკრაინელისთვის სანუკვარ მშვიდობას მიაღწიონ.
ჩვენი შეიარაღებული ძალები გმირულად დგანან და კრეატიულადაც. ჩვენ ისეთი დანაკარგი მივაყენეთ მტერს, რომ მათ აღარ იციან, სად ეძიონ რეზერვი და დახმარება. ჩვენ არ გვაქვს მოდუნების უფლება.
რუსეთის სახელმწიფო ამ ომისთვის ათეულობით წელი ემზადებოდა. მან უმნიშვნელოვანესი სამხედრო რესურსი ბოროტებისთვის მოაგროვა, თავისი მეზობლების დასაპყრობად, უკრაინის გასანადგურებლად, იმ ევროპის გასანადგურებლად, რომელსაც ჩვენ ვიცნობთ და პატივს ვცემთ. ამიტომაც უნდა ვიყოთ მედგრად, უნდა ვიბრძოლოთ, რათა გავიმარჯვოთ, რათა მივაღწიოთ ყველა უკრაინელისთვის დამსახურებულ მშვიდობას, რომელიც იქნება უსაფრთხოების გარანტია ჩვენი სახელმწიფოსთვის, ჩვენი ხალხისთვის. ეს ყველაფერი კი უნდა გადავიტანოთ ფურცელზე რთული მოლაპარაკებების დროს - განაცხადა ვოლოდიმირ ზელენსკიმ.