"ვიღაცამ ჩაიდინა დანაშაული, რომელსაც უვადო პატიმრობა უნდა შეეფარდოს... ქვეყანა არის კატასტროფის წინაშე" - ასე ეხმაურება მეუფე ნიკოლოზი სუს-იდან ფარული ჩანაწერების გამოტანის საკითხს. 

ვიღაცამ ჩაიდინა დანაშაული, რომელსაც უვადო პატიმრობა უნდა შეეფარდოს. ადამიანს კი არა, ქმედებას, როგორც კი კანონში ჩაიწერება რომ ასეთი ტიპის დანაშაული, განსაკუთრებით ფართო მასშტაბით, მთელ ქვეყანას მიყენებული აქვს ზიანი, და არ ვიცი სიმბოლურია თუ არა, ეს ჩემი აზრი არ არის, ერთმა ადამიანმა მიკარნახა და ვეთანხმები, ასი წელი გავიდა წითელი არმიის შემოჭრიდან საქართველოში. ამ მასშტაბის მოვლენასთან გვაქვს საქმე, ვიღაცამ ფარული დანაშაული ჩაიდინა, ვიღაცამ უკანონოდ მიაყურადა, ვიღაცამ უკანონოდ გამოამზეურა და ვიღაცამ უკანონო ტირაჟირება გააკეთა. და ქვეყანა არის კატასტროფის წინაშე, - ამბობს მეუფე ნიკოლოზი.