"ეს არის ტიპიური რუსული ხელწერა" - მიხეილ სააკაშვილი ნარკოტესტის სკანდალზე
ნარკოტესტის სკანდალს მიხეილ სააკაშვილი ეხმაურება. საქართველოს მესამე პრეზიდენტის შეფასებით, ივანიშვილის ხელისუფლება ტიპიური რუსული ხელწერით მოქმედებს, როცა ოპონენტების ყველაზე პრიმიტიული მეთოდებით გაშავებას ცდილობს.
მე, რა თქმა უნდა გახარიას დამცველად არ გამოვდგები, მაგრამ კოკაინის მოხმარების ბრალდება, ეს არის ტიპიური რუსული ხელწერა.შეგახსენებთ, ყოფილი თანაგუნდელები გიორგი გახარიას უკვე ღიად უწოდებენ "კოკაინშიკს". განცხადება ირაკლი კობახიძემ ერთ-ერთ ინტერვიუში გააკეთა.
ვერაფერ ახალს ივანიშვილის ხალხი ვერ იგონებს, ცხოვრებაში არ მივკარებივარ არც ერთ მსგავს ნარკოტიკს და რამდენი წელი იძახოდნენ ზუსტად იგივეს.
ეს არის კლასიკური გაშავების ყველაზე პრიმიტიული ტექნოლოგია.
ვიღაცა ერთუჯრედიანებს, ათასჯერ რომ გაუმეორებენ, ვიღაცა არის “კოკაინშიკი” მერე ნაწილი მართლა იჯერებს.
ეს კიდევ ერთხელ მიუთითებს რა დონის ნაძირლებთან და მატყუარებთან გვაქვს საქმე.
ყველაზე ამაზრზენი ის არის, რომ კალაძე აბსოლუტურად ერთი ერთში იმეორებს ამ ბრალდებებს, რაც ზუსტად მიუთითებს, რომ საერთოდ არაფრით არ განსხვავდება დანარჩენი ოცნების ბანდისგან, გარდა კარგი რუჯისა და შედარებით უკეთესი გარეგნობისა." წერს მიხეილ სააკაშვილი