"ღარიბაშვილი ჭაობია და იმ ჭაობში იყოს მარტო" - ნიკა გვარამია ღარიბაშვილს პასუხობს
"ეს არის ჭაობი ღარიბაშვილის და იყოს იმ ჭაობში მარტო", - ასე გამოეხმაურა "მთავარი არხის" გენერალური დირექტორი ნიკა გვარამია პრემიერმინისტრ ირაკლი ღარიბაშვილს, რომელმაც ის განათლების მინისტრ მიხეილ ჩხენკელს შეადარა.
ნიკა გვარამიამ მისი განათლების მინისტრობის დროს განხორციელებულ რეფორმებზე ისაუბრა:
ნიკა გვარამიამ მისი განათლების მინისტრობის დროს განხორციელებულ რეფორმებზე ისაუბრა:
"მარტივად ვიტყვი, ჩემი განათლების მინისტრობის დროს გაკეთდა შემდეგი: გამომუშავდა და მნიშვნელოვნად შეიცვალა სპეციალისტებთან, რაც მთავარია მასწავლებლებთან, სკოლის დირექტორებთან კონსულტაციებით ერთიანი ეროვნული სასწავლო გეგმა; ჩამოყალიბდა ახალი წესი მაგისტრატურაში მიღების და შემოღებული იქნა ერთიანი სამაგისტრო გამოცდები, რამაც აღმოფხვრა მაგისტრატურის საფეხურზე კორუფცია უნივერსიტეტებში;რაც შეეხება განათლების მოქმედ მინისტრს, "მთავარი არხის" გენერალურმა დირექტორმა აღნიშნა, რომ მიხეილ ჩხენკელის საქმიანობის შესახებ საზოგადოების დიდმა ნაწილმა არაფერი იცის.
რაც ჩემთვის ყველაზე საამაყო და მნიშვნელოვანია, პირადად ჩემი მოფიქრებულია და მერე გაწერილი კანონმდებლობაში ე.წ. 4+1 სისტემა, რაც ნიშნავს შემდეგს: პირველი წელი ეთნიკური უმცირესობების წარმომადგენლები მხოლოდ უნარებით ჩააბარებდნენ, ისწავლიდნენ მხოლოდ ქართულ ენას და შემდეგ 4 წლის განმავლობაში ქართულად დაეუფლებოდნენ პროფესიას. დღეს შეგიძლიათ იკითხოთ ეთნიკური უმცირესობებით დასახლებულ რეგიონებში, თუ რომელიმე ახალგაზრდა ლაპარაკობს ქართულად, არის ამ პროგრამის დამსახურება. ინფრასტრუქტურას რაც შეეხება ჩემ დროს აშენდა 6 ახალი, თანამედროვე სკოლა და ვიყიდეთ 100 ათასზე მეტი ახალი, ხარისხიანი მერხი", - თქვა ნიკა გვარამიამ.
"ახლა მითხრან, რა გააკეთა მეცნიერმა მიხეილ ჩხენკელმა, რომლის მეცნიერობის შესახებ არაფერი ვიცი, მაგრამ არც განათლების მინისტრობის შესახებ ვიცი. გარწმუნებთ, საზოგადოების უდიდესმა უმრავლესობამ არ იცის რას საქმიანობს ბატონი ჩხენკელი", - აღნიშნა ნიკა გვარამიამ.