უკრაინაში აშშ-ის ყოფილი ელჩი და ატლანტიკური საბჭოს ევრაზიის ცენტრის დირექტორი, ჯონ ჰერბსტი აცხადებს, რომ "თბილისი პრაიდზე" თავდასხმა დანაშაული იყო, ამ მოვლენებზე ირაკლი ღარიბაშვილის რეაქცია კი პასუხისმგებლობაზე უარის თქმა. ამ თემაზ მან "ნეტგაზეთთან" ინტერვიუში ისაუბრა.

"თავდასხმა თბილისი პრაიდზე იყო დანაშაული, ხოლო პრემიერმინისტრის რეაქცია პასუხისმგებლობაზე
უარის სერიოზული თქმა. "დემოკრატიის პირობებში მშვიდობიანი პროტესტი კრიტიკულად მნიშვნელოვანი უფლებაა. დამოუკიდებლობიდან 30 წლის შემდეგ პრემიერმინისტრმა ეს უნდა გაიაზროს და შესაბამისად მიმოქმედოს. თავდამსხმელებმა კანონის წინაშე პასუხი უნდა აგონ, პრემიერმა კი ამაზე უნდა იზრუნოს. ალბათ, საქართველოს ყველაზე დიდი სიძლიერე ევროკავშირისა და NATO-ს წევრობის გზაზე დემოკრატიული და ღია საზოგადოება იყო, მოვლენების ისეთი განვითარება, რომელიც ამის წინააღმდეგ მიდის, საქართველოს კანდიდატურას არ ეხმარება", - ამბობს ჰერბსტი. 

ინტერვიუში მან, ასევე, აღნიშნა, რომ აშშ რჩება საქართველოს პარტნიორად და მხარდამჭერად კრემლის აგრესიასთან და ოკუპაციასთან ბრძოლაში. 
ცნობისთვის, 5 ივლისს ძალადობრივი აქცია მთავრობის და პირადად ირაკლი ღარიბაშვილის მიერ იყო წახალისებული. მან მთავრობის სხდომაზე გაკეთებული განცხადებით პრაქტიკულად "თბილისი პრაიდის" მოწინააღმდეგეების მხარე დაიჭირა.
ამ დღეს თავს არაერთი მედიის 53 ჟურნალისტს დაესხნენ თავს, სცადეს "სირცხვილიას" ოფისის დარბევა, შეიჭნენ "თბილისი პრაიდის" ოფისშიც. სწორედ 5 ივლისს სასტიკად სცემეს "ტვ პირველის" ოპერატორი, ლექსო ლაშქარავა, რომელიც 11 ივლისს გარდაცვლილი ნახეს.