პრემიერმინისტრი ირაკლი ღარიბაშვილი ქვეყანაში კორონავირუსით ინფიცირების გაზრდილ მაჩვენებელს რუსთაველზე გამართულ აქციებს უკავშირებს და ამბობს, რომ აქციების შემდეგ რაოდენობა გაორმაგდა. ამ თემაზე მან მთავრობის სხდომაზე ისაუბრა და აქციებს "უაპსუხისმგებლო" უწოდა. 
შეგახსენებთ, რომ რუსთაველზე აქციები 5 ივლისს ნაცემი ოპერატორის, ლექსო ლაშქარავას გარდაცვალების შემდეგ იმართებოდა.

"ბოლო ორ კვირაში პრაქტიკულად გაორმაგება მოხდა ინფიცირების. აქვე მინდა ავღნიშნო, სავსებით სამართლიანად, ვიტყოდი, რომ უპასუხისმგებლო რამდენიმე დღიანი აქციების შედეგიც არის პირდაპირ ის რაც მოხდა და ამ აქციების შემდეგ მოხდა პრაქტიკულად გაორმაგება ინფიცირებულთა რაოდენობის",- თქვა ღარიბაშვილმა.

ცნობისთვის, 5 ივლისს ძალადობრივი და ჰომოფობიური ჯგუფების მხრიდან თავდასხმების შედეგად 53 ჟურნალისტი დაშავდა. მათგან ერთ-ერთი, სასტიკად ნაცემი "ტვ პირველის" ოპერატორი, ლექსო ლაშქარავა 11 ივლისს გარდაცვლილი იპოვეს. მედიამენეჯერები და საზოგადოების ნაწილი მომხდარზე პასუხისმგებლობას ირაკლი ღარიბაშვილს აკისრებს, რადგან 5 ივლისის აქციაზე ძალადობრივ ქმედებებს წინ სწორედ, მისი განცხადებები უძღოდა. მედიის წარმომადგენლების პროტესტი, ღარიაშვილის გადადგომის მოთხოვნით კვლავ გრძელდება.