საქართველოში მიმდინარე პოლიტიკურ მოვლენებს ევროკავშირი ეხმაურება და ხელისუფლებასა და ოპოზიციას მაქსიმალურად თავშეკავებული ქმედებებისა და სემდგომი ესკალაციის თავიდან აცილებისკენ მოუწოდებს. 

"ევროკავშირს მტკიცედ სწამს, რომ პოლიტიკური ჩიხის მოგვარება მხოლოდ გულწრფელი პოლიტიკური დიალოგის გზით შეიძლება. ჩვენ მოვითხოვთ დაუყოვნებლივ დეესკალაციას ქვეყნის და საქართველოს ყველა მოქალაქის ინტერესებიდან გამომდინარე.
საჭიროა პოლიტიკური გამბედაობა, ლიდერები უნდა შეთანხმდნენ პოლარიზაციის გაღრმავების თავიდან ასაცილებლად. საჭიროა ფართო პოლიტიკური ერთიანობა დაძაბულობის განმუხტვისა და დემოკრატიის შემდგომი კონსოლიდაციისთვის, მათ შორის სასამართლო და საარჩევნო ამბიციური და ინკლუზიური რეფორმებით. პოლიტიკური სტაბილურობა და ინკლუზიური საპარლამენტო პროცესი ასევე კორონავირუსის პანდემიისა და მისი შედეგების ეფექტურად მოგვარების წინაპირობებია. ევროკავშირი მზად არის გააგრძელოს საქართველოს მხარდაჭერა ამ საქმეში", - წერია განცხადებაში.