თქვენ ჩვენ დაგიბრუნეთ ის, რაც გეკუთვნოდათ - წულუკიანი წამყვანებს "რუსთავი-2"-ზე
"ნუ აღშფოთდებით, იმიტომ რომ ნიკა გვარამია აღშფოთდა", - ასეთი რჩევა "რუსთავი-2"-ის წამყვანებს იუსტიციის ყოფილმა მინისტრმა თეა წულუკიანმა პირდაპირ ეთერში მისცა, შემდეგ კი დაამატა: "თქვენ ჩვენ დაგიბრუნეთ ის, რაც გეკუთვნოდათ და ამაში იუსტიციის სამინისტროს ტიტანური შრომა დევს".
"კეთილი ინებეთ და ნუ აღშფოთდებით ხოლმე, იმიტომ რომ ნიკა გვარამია აღშფოთდა. თქვენ ჩვენ დაგიბრუნეთ ის, რაც გეკუთვნოდათ, რუსთავი 2 ეკუთვნოდა ხალხს, ეკუთვნოდა მის მესაკუთრეს და ამაში იუსტიციის სამინისტროს ტიტანური შრომა დევს და მე თქვენგან მაქვს მოლოდინი იმისა, რომ იდგებით სიმართლის და სამართლიანობის სადარაჯოზე, იმიტომ რომ მე 'ტყვილა' კომპლიმენეტებს არ ვარიგებ. მე ბოდიშს ვიხდი რომ გავნერვიულდი, მაგრამ..." - განაცხადა იუსტიციის ყოფილმა მინისტრმა.გადაცემის წამყვანის რეპლიკას: "ქალბატონო თეა, რუსთავი2 დააბრუნა ევროპის სასამართლომ", თეა წულუკიანმა ასე უპასუხა:
"უი, რას ამბობთ... კარგი, არ გვინდა ახლა ამაზე ჩხუბი, ჩვენ ამისთვის ძალიან ბევრი ვიშრომეთ, ძალიან ბევრი ვიშრომეთ... ქართულ ოცნებას" და მის იუსტიციის სამინისტროს ამ დროს ეძინა და თავისით დაუბრუნდა, კანონიერება თავისით აღსდგა ამ საქმეზე, კი ბატონო, , ეს თქვენი სიტყვებია და თქვენ გქონდეთ".